Шотландаас гаралтай амтат зраз нь хийхэд хэцүү мэт харагдавч элдэв амтлагч, орцгүй тул гэрийн нөхцөлд бэлдэхэд хамгийн тохиромжтой зоог юм. Хоол “голдог” бяцхануудад хийж өгвөл хачин дуртай иднэ гээч. Ингээд хэрхэн хийх талаар зааж өгье.

Орц (хоёр хүн):

•  Будаа- 250 гр
• Машиндсан мах – 500 гр
• Өндөг – 6 ширхэг
• Ургамлын тос – 200 гр
• Бүрмэл юм уу, хатаасан талхны үйрмэг
• Сонгино, давс, бусад амтлагч

Хийх арга:

Өндгөө 15 минут орчим чанаад, хүйтэн усанд сойно. Будаагаа агшаахаа мөн мартуузай. Энэ хооронд мах, сонгиноо жижиглэн хэрчиж, холино. Үүн дээрээ давс, талхны үйрмэг, хүссэн амтлагчаа амталгаагаараа хийгээд сайтар базаарай. Чанасан өндгөө хальсална. Алган дээрээ махаа нимгэн тарааж, арилгасан өндгөө голд нь тавиад бөөрөнхийлнө. Хиншүү хярвас гаргахгүйн тулд махаа шарахаас өмнө 15 минут орчим жигнээрэй. Ингээд махаа гарган, хайруулын тавганд тосоо хийн зөөлөн галаар шаргал өнгөтэй болтол нь эргүүлж шараарай. Зраз хийх амархан байгаа биз. Ингээд таны амтат хоол бэлэн боллоо. Эл зоогийг будаанаас гадна хачиртай идвэл бүр ч амттай шүү.

Хачир:

• Амталсан чинжүү
• Чинжүү- улаан, ногоон дунд зэргээс нь 1, 1 ширхэг
• Сонгино-1/2

Хийх арга:

Сонгино, чинжүүгээ жигд, нарийхан хэрчээд хайруулын тавганд тосоо хийн, зөөлөн галаар сайтар хуурна. Давс, перец амталгаагаараа. Бага зэргийн лемоны шүүс хийвэл бүр ч янзтай, хачир бэлэн.