Амралтын өдрийн өглөөг амтат сайхан хоолоор эхлүүлэх нь юутай таатай. Энэхүү өглөөний цай бэлдэхийг энэ удаад эрчүүдэд тусгайлан зөвлөе. Аавуудын гарын хоол ямагт амттай гэдгийг “эх сурвалжууд” хэлдэг байгаа шүү.

Бэлтгэх хугацаа:                 15минут

Хийх хугацаа:                      30 минут

Нийт хугацаа:                      45 минут

Төрөл:                                    Өглөөний хоол

Гарах тоо хэмжээ:              4 хүнийх

Найрлага:

• Гахайн утсан мах 8 нимгэн хэрчим 
• Том өндөг 4 ширхэг
• Сүү тал аяга
• Цөцгийн тос 4 хоолны халбага
• Үрсэн чеддар бяслаг нэг аяга (илүү байсан ч болно)
• Тортилла буюу болгож бэлдсэн дугуй гурил 4 ширхэг
• Ногоон сонгино амталгаагаар
• Давс, нунтаг хар перец амталгаагаар
• Халуун соус

Хийх аргачлал:

1. Дунд зэргийн гал дээр хайруулын тавгаа тавьж, цөцгийн тосоо хийж халаагаад гахайн утсан махаа хоёр талаар нь шаржигнуур болтол 8 минут орчим шарна.
2. Бэлэн болсон махыг тавган дээр гаргана. Ингэхдээ илүүдэл тосыг уусгаж авахын тулд доор нь цаасан сальфетка дэвсээрэй.
3. Дунд зэргийн аяганд өндөг, сүүг хольж, сайтар хутгана. Цэвэр, хуурай болсон хайруулын тавгандаа цөцгийн тосоо хийн, халаасны дараа өндөгний зуурмагаа нэмж шарна.  Резин хусуур ашиглан зөөлөн эргүүлж, наалдуулахгүй тулд бүрэн болох хүртэл үе үе хутгана. Ингээд давс, перецээр амтлана.
4. Эцэст нь Бурритогоо “боож баглана”. Ингэхдээ Тортиллагийн гурилаа дэвсэн бүрийн голд нимгэн хэрчсэн сонгино, шарсан өндөг, үрсэн бяслаг, хоёр зүсмэл гахайн утсан мах, хэрчсэн авокадо хийж тавь. Хоёр талаас нь нугалж, сайтар өнхрүүлээрэй. Халуун соустай хамт үйлчил.