Хаврын урь орсон ч хавсарга, салхитай зэвэргэн өдрүүд айсуй. Энэ үед тоодгор жаахнуудынхаа дархлааг дэмжих нь чухал. Тэгвэл энэ удаад тахианы махаар хэрхэн амин дэмтэй, амтлаг шөл хийх аргыг толилуулъя.  

Бэлтгэх хугацаа:              10 минут

Хийх хугацаа:                   25 минут

Төрөл:                              Үдийн хоол

Гарал:                              Америк

Гарах тоо хэмжээ:           6-7 хүнийх

Калори:                            315 ккал

Найрлага:

• Оливын тос 2 хоолны халбага 
• Саримс 2 хумс (хальсалж, жижиглэнэ)
• Тахианы жижиглэсэн мах 2 аяга
• Лууван  4-5 ширхэг (дунд зэргийн хэмжээтэй)
• Тахианы ясны шөл 1500 мл  
• Өндөгтэй гоймон 100-150 гр (жижиг хэлбэртэй байвал сайн)
• Давс амталгаагаар
• Бөөрөнхий сонгино 1 ширхэг (жижиг хэмжээтэй)
• Ногоон сонгино 2 халбага
• Үрсэн бяслаг 3 халбага

Хийх аргачлал:

1. Дунд зэргийн гал дээр саваа тавиад, оливын тос хийж халаана. Дээр нь жижиглэн хэрчсэн сонгино, саримс, луувангаа хийж, шаргалтсан өнгөтэй болтол нь хуурна.
2. Үүний дараа өмнө нь бэлдсэн тахианы шөлөө нэмээд 5-10 минут буцалгана.
3. Дараа нь тахианы мах, гоймонгоо нэмж, 10-15 минут зөөлөн гал дээр буцалгана.
4. Ингээд бэлэн болсон амтат шөлөндөө үрсэн бяслаг, ногоон сонгиноо хийж, таваглахад бэлэн болно.

Тэжээллэг чанар:

Калорийн агууламж:        315 ккал

Нүүрс ус:                          37 гр

Уураг:                                23 гр

Өөх тос:                            8 гр

Ханасан өөх тос:              2 гр

Ханаагүй өөх тос:             2 гр

Холестерол:                     72 мг

Натри:                              188 мг

Кали:                                688 мг

Эслэг:                               3 гр

Элсэн чихэр:                    3 гр

А аминдэм:                      5503 IU

Витамин С:                      4 мг

Кальци:                            49 мг

Төмөр:                              2 мг