Нийслэлийн Аялал жуулчлал, Соёл урлаг, Биеийн тамир, спортын газар болон “Улаанбаатар” театрынхан хамтран аялал жуулчлалыг дэмжих зорилгоор 36 үйл ажиллагааг энэ онд зохион байгуулахаар төлөвлөжээ.

Тухайлбал, нийслэлийн Соёл урлагийн газраас олон улсын сонгодог урлагийн наадам, “Гэгээн муза”, монгол туургатны бүжгийн наадам, олон улсын кино фестиваль, “Жазз сити” хөгжмийн наадам, “Улаанбаатар венийн үдэш” бүжгийн цэнгүүн зэрэг 14 арга хэмжээ зохион байгуулах аж.

Харин нийслэлийн Аялал жуулчлалын газраас үндэсний болон олон улсын хоолны тэмцээн, мото уралдаан, морьт харвааны фестиваль, олон улсын марафон тэргүүтэй 10 гаруй үйл ажиллагаа төлөвлөсөн байна.

Тэгвэл нийслэлийн Биеийн тамир, спортын газраас зохион байгуулах ажилд “Улаанбаатар лиг” сагсан бөмбөгийн тэмцээн, хөл бөмбөгийн бүх нийтийн аян болон “Улаанбаатар” олон улсын марафон зэрэг багтжээ.