Украины Ерөнхийлөгч Владимир Зеленский Марокко, Гүржид суугаа Элчин сайд нараа эргүүлэн татжээ. Учир нь тэднийг өнгөрсөн сард Оросын түрэмгийллийн эсрэг хангалттай арга хэмжээ аваагүй гэж үзсэн байна.

Тэрбээр дипломатууддаа хандан “Зэвсэг байхгүй, хориг арга хэмжээ авахгүй, Оросын бизнесийг хязгаарлахгүй юм бол өөр ажил хайгаарай” хэмээжээ. Владимир Зеленский ойрын өдрүүдэд Латин Америк, Ойрхи Дорнод, Зүүн өмнөд Ази, Африк дахь төлөөлөгчдөөсөө тодорхой үр дүн хүлээж буйгаа ч илэрхийлсэн аж.

Мөн Украины парламентын төлөөлөгчид Вашингтонд айчлах үеэр АНУ-аас  цэргийн илүү олон техник хэрэгсэл, санхүүгийн тусламж үзүүлэхийг хүссэн бөгөөд Оросын эсрэг хориг арга хэмжээг чангатгах хэрэгтэй гэжээ.

Эх сурвалж: Aljazeera