Орчин үеийн бидэнд энэ нь хэвшил болсон. Гэтэл хөлөө ачиж суухыг өвгөд таашаадаггүй нь ийм учиртай аж. Нэг өвдгөө нөгөө дээгүүрээ ачин суувал аарцаг нурууны яснууд хэлтийн хазайдаг. Энэ нь мэдрэлийн судлууд дарагдаж, эрхтэн системийн суурь өвчлөл үүсэх эхлэл болдог байна.

Эрэгтэй хүн хөлөө ачиж суувал төмсөг хэт халсны улмаас эрч хүчгүй “нойрмог” болдог. Харин эмэгтэйчүүдийн хувьд сав давсаг хазайхаас гадна савны гадуур ураг тээх эрсдэлтэй. Мөн сарын тэмдгийн эмгэгүүд ч үүдэх магадлал өндөр. Ер нь цэх шулуун алхаатай, зөв суудалтай байвал эрүүл мэндэд тустай. Нас ахих тусам энэ буруу зуршил хөл, өвдөг, үе мөчний асуудал үүсгэдэг тул зовлонгоо ачиж байгаа хэрэг хэмээн ахмадууд цээрлэдэг нь ийм аж.