Монголын хүүхдийн урлан бүтээх төвийн багш нар шилдэг бүтээлийн үзэсгэлэнгээ “Орд арт” галерейд дэлгэв. “Art&Craft-2022” үзэсгэлэнд уран зураг, баримал, сийлбэр, наамал гээд дүрслэх болон чимэглэх урлагийн бүх төрлөөр туурвисан бүтээл багтжээ. Үзэсгэлэнгийн шилдэг бүтээлээр III багийн уран бүтээлчдийн “Үнэр” сүрлэн наамал шалгарсан байна.

Уран зургийн багш Д.Ганболд, уран баримлын Б.Ичинхорлоо, арьсан урлал, уран дархны Э.Бямбасүрэн, уран хайчилбарын Т.Ганхуяг, хүүхэлдэйн бэлэг дурсгалын С.Оюунсайхан тэргүүтэй тус төвийн 10 гаруй багшийн бүтээлийг тус үзэсгэлэнгээс сонирхоорой. 11 дэх удаагаа олны хүртээл болж, жил бүр шинэ бүтээлүүдээр үзэгчидтэйгээ "уулздаг" эл үзэсгэлэн 14 хоног үргэлжилнэ.

"Үнэр"

"Гал голомт"

"Гоо үзэмж"

"Өв соёл"

"Би хаана төрөө вэ"