Элон Маск TED-д өгсөн саяхны ярилцлагадаа хүн дүрстэй роботыг гэрийн ажилд “зарах” үе ойрхон байгааг ярьжээ.

Уг роботыг эхлээд төвөгтэй болон аюултай ажлуудыг гүйцэтгэхээр бүтээнэ. Дараа нь хүн асрах, хоол хийх, гэр цэвэрлэх, зүлэг хадах зэргээр илүү "ажилсаг" байлгахаар боловсруулах гэнэ.

Энэхүү роботын туршилтын загварыг 2022 онд багтаан толилуулах бөгөөд зах зээлд нийлүүлэхэд дор хаяж хоёр жил шаардлагатай аж.

Элон Маск дээрх хүн дүрст роботын өртөг нь Тэсла автомашиныхаас хямдхан байх магадлалтайг дурдсан байна. Тэрбээр "2050 онд ихэнх айлууд робот туслахтай болно гэдэгт итгэж байна" хэмээжээ.

Эх сурвалж: Interestingengineering.com