“Оюутан цэрэг-2022” хөтөлбөрийн бүртэлийг өнгөрсөн гуравдугаар сард “E-Mongolia” цахим хуудсаар явуулсан. Энэ жил тус хөтөлбөрт 51 их, дээд сургуулийн 1472 оюутан бүртгүүлснээс 490 нь шалгалтдаа тэнцсэн байна.

Эдгээр оюутан цэргийн мэргэжил олгох сургалтыг хоёр сар танхимаар, хоёр сар хээрийн бэлтгэлд хамруулах байдлаар зохион байгуулах аж. Сургалт МУИС, ШУТИС, ХҮИС, МУБИС-д уламжлал ёсоор болно.

Цар тахлын улмаас тус хөтөлбөрийг хоёр жил завсарласан ч ийнхүү эхлүүлэв. Хөтөлбөрт зөвхөн I дамжааны оюутнуудыг хамруулах бөгөөд голч оноо, эрүүл мэндийн үзлэг, биеийн тамирын шалгалт зэргийг нь харгалзана. Өнгөрсөн зургаан удаагийн сургалтад 5000 гаруй оюутан, залуус хамрагдаж, цэргийн алба хаажээ.

Эх сурвалж: БШУЯ