Дэлхийн хүн амын 30 орчим хувь нь гэрийн тэжээвэр амьтнаас харшилдаг аж. АНУ-ын Виржиниа мужид төвтэй биотехнологийн “InBio” компанийн судлаачдын баг муурын харшлын хамгийн түгээмэл эх үүсвэрийг устгах үр дүнтэй арга илрүүлжээ.

Судлаачид харшил үүсгэдэггүй, гений өөрчлөлттэй муурыг ойрын таван жилд “бүтээхээр” ажиллаж байна.

Энэ төрлийн харшлын 90 гаруй хувь нь муурын шүлс, нулимснаас ялгардаг “Fel d 1” уургаас үүдэлтэй гэнэ. Тэгвэл эл уургийг тусгай арга барилын тусламжтайгаар хязгаарлах боломжтой аж.

Гэхдээ энэ нь муурын харшлыг үгүй болгох арга замыг хайж буй эхний оролдлого биш юм. Амьтны тэжээлийн компаниуд муурын “Fel d 1” уургийг дарангуйлдаг хоол, хүнс боловсруулан худалдаанд хүртэл гаргажээ. Түүнчлэн уг уургийн хэмжээг хязгаарлахад зориулсан дархлааны системийг дэмжих вакцин бүтээж байгаа аж.

Эх сурвалж: Interestingengineering.com