Дархан-Уул аймгийн Шарын гол сумын нутагт энэ сарын 24-нд нэгэн иргэн усанд осолдож, амиа алджээ. Тодруулбал, тус өдрийн 09.40 цагийн орчимд шаварт унасан үхэр гаргах гэж байсан гурван хүний нэг, тус сумын харьяат малчин Э морьтойгоо тогтоол усанд унасан аж.

Аймгийн Онцгой байдлын алба хаагчид тухайн өдрийн 21.55 цагт ослын дуудлагыг хүлээн авч, Шарын гол сум дахь Гал түймэр унтраах, аврах 55 дугаар ангийнхан малчин Э-г эрэн хайх ажиллагааг эхлүүлсэн байна.

Улмаар тухайн малчны унаж явсан морийг тогтоол уснаас олжээ. Харин эзнийх нь цогцсыг эргээс таван метрийн зайд, гурван метрийн гүнээс гарган авсан аж.

Эх сурвалж: Онцгой байдлын ерөнхий газар