Шатахууны нөөц хомстсоны улмаас үнэ нь нэмэгдэх нь гэсэн мэдээллүүд нийгмийн сүлжээгээр хөвөрч эхлэв. Тэгвэл Уул уурхай, хүнд үйлдвэрийн яамны статистик мэдээгээр, энэ сарын 15-ны байдлаар манай улсад 148.618 тонн шатахууны нөөц байна. Үүнээс АИ-92 нь 52 138 тонн буюу 39 хоног ашиглах нөөц үлджээ. А-80 нь 11 678, дизель түлш 79 296, АИ-95 нь 4713 тонн байгаа нь 29-70 хоногийн хэрэглээ аж.  

Харин Улаанбаатарт нийт 78 012 тонн шатахуун байгаа ажээ. АИ-92 автобензин 30 770, А-80 нь 3161, АИ-95 нь 3010, дизель түлш 40 321 тонн бий гэнэ. Энэ нь 32-45 хоногийн нөөц юм байна.

Манай улс он гарснаас хойш 470.9 мянган тонн газрын тосны бүтээгдэхүүн импортолжээ.