“The Voice of Mongolia 2022” шоуны III улирлын “The Knock out” шатны гуравдугаар дугаарт шүүгч, дасгалжуулагч Д.Уламбаярын багийн хүчирхэг таван оролцогч өрсөлдөн, шилдэг хоёр нь тунаж үлдлээ.

Өнөөдрийн дугаарт, Укагийн багийн салхийг энхийг сахиулагч, тээврийн цагдаа Б.Ариунбат хагаллаа. Харин өвөрмөц дүр төрхөөрөө ялгарах оролцогч Н.Азжаргал "Wait a minute" дуугаараа "бут авав". Түүний үзүүлбэр дэгжин төрх шигээ донжтой байж, сонголт хийх мөчид Ука шүүгчийг ихэд эргэлзүүлэв.

Загвараас дуу хөгжмийн ертөнцөд хөл тавьсан оролцогч М.Ланамөнх Мiley Cyrus-ийн "Nothing breaks like a heart" дуугаараа үзэгчдийг уяраав.

Укагийн багийн чимэг болсон, өвөрмөц хоолой, өхөөрдөм төрхтэй Б.Ихэрсувд "The Knock out" шатанд "No roots" дуугаа өргөж, үзэгчид болон шүүгчдийг суудлаас нь өндөлзүүлж чадлаа.

Багийн сүүлийн оролцогч блюз дуучин Э.Алтаннамарын эрч хүчтэй дуу хоолой зрителийн шар үсийг босгосон, чансаатай үзүүлбэр болов.

Эцсийн мөчид шүүгч, дасгалжуулагч Д.Уламбаяр тулааныг үргэлжлүүлэх хоёр оролцогчоороо Б.Ихэрсувд, М.Ланамөнх нарыг сонголоо.