“The Voice of Mongolia 2022” шоуны III улирлын “knock Out” шатны хоёр дахь дугаарын шилдэг дөрвөн оролцогч өнөөдөр тодров. Өрсөлдөөн Д.Болдын багийнхнаар эхэлсэн бол шоуны II хагаст Д.Отгонбаярын “Дайчид” багийн Б.Жамсран, Д.Онон, Б.Түвшинзаяа, Б.Энхмэнд, Э.Амина нар шилдэг үзүүлбэрүүдээ толилуулав.

Зоримог хурц имиж бүрдүүлсэн Д.Онон Selena Gomez-ын “Wolves” дуугаар багийнхаа үзүүлбэрийг нээв. “The Voice of Mongolia” цахим хуудаст түүний охарц, жүжиглэлт, сэтгэл татах увидастай талаар нь олон хүн сэтгэгдлээ хуваалцжээ.

Тэгвэл өвөрмөц, эрдүү хойлоотой Б.Энхмэнд country дуучин Blake Sheldon-ы дуугаар олныг байлдан дагуулав. Шүүгч Д.Отгонбаяр өөрийн хэв маяг, онцлогоо түүгээр дамжуулан илэрхийлсэн мэт.

Жүжигчин Д.Эрдэнэзааны охин гэдгээр нь хүмүүс мэдэх Э.Амина тайзан дээр “гал асаав”.

Нэвтрүүлгийн дүрмийн дагуу дээрх таван оролцогчоос зөвхөн хоёрыг нь л дараагийн шатанд сонгох ёстой. Тэрбээр эрч хүчээр дүүрэн, залуу дуучин Э.Амина, төрмөл хоолойт Б.Энхмэнд нарыг авч үлдсэн юм.

Харин бусад гишүүд нэврүүлгээ энэ хүрээд өндөрлүүллээ. Шүүгчид багаасаа дахин тус бүр хоёр хоёр гишүүн авч үлдэх юм.