Монгол Улсад Гэмт хэргээс урьдчилан сэргийлэх ажлыг зохицуулах зөвлөл, Экологийн цагдаагийн алба хамтран “Ногоон дуу хоолой” нэг сарын аян эхлүүлжээ. Хүрээлэн буй орчны эсрэг гэмт хэргээс урьдчилан сэргийлэх, энэ төрлийн мэдээллийг олон нийтэд сурталчлах зорилгоор тус аяныг “Зөв мод – зөв арчилгаа” уриан дор өрнүүлж буй.

Иргэд мод тарьдаг ч түүнийгээ арчлан, амьдрах чадвартай болтол ургуулах нь цөөн. Тэгвэл модыг амьдрах чадвартай болтол нь 3-5 жил арчлах шаарлагатай аж. Мод, сөөг суулгаснаас хойш 30-45 хоногийн дотор, долоо хоногт хоёр удаа услах хэрэгтэй. Ингэхдээ модыг 70-90, сөөгийг 40-50 литр усаар уславал зохино. Мөн бордож, салхи шуурга, мал, мэрэгч амьтан зэрэг гаднын нөлөөнөөс хамгаалах шаарлагатайг аяны хүрээнд зөвлөжээ.