“Spirit of gobi” контемпорари урлаг болон электрон хөгжмийн наадам энэ жил Дундговь аймгийн Цагаан суварга байгалийн үзэсгэлэнт цогцолбор газарт гурав дахь жилдээ болох аж. Энэ удаагийн наадмыг “Уяхан замбуу тивийн нар” сэдвийн хүрээнд контемпорари урлагийн бүх төрөл, уран бүтээлчдийг хамруулан зохион байгуулах юм байна. Наадамд оролцох контемпорари урлагийн бүтээл болон электрон хөгжимчдийн сонгон шалгаруулалт зарлажээ. Урлагийн бүтээлийг хэлбэр, хөдөлгөөн, орон зайн бүтээл, дуу авиа, үйлдлийн урлаг, медиа арт төрлөөр шалгаруулах гэнэ. Харин хөгжимчид товч намтараа info@spiritofgobi.com хаягаар ирэх сарын 1-ний дотор илгээх аж.