АНУ-ын “Frequency therapeutics” биотехнологийн компани сонсголоо бүрэн алдсан хүмүүсийн амьдралыг өөрчлөх нээлт хийжээ.

Энэ нь сонсголын аппарат биш, суулгац ч бус, харин хүмүүсийн сонсголыг сэргээх үйлчилгээтэй эм юм байна. Уг эм дотоод чихний үүдэл эсийг нөхөн, төлжүүлснээр сонсгол сэргээх боломжтой гэж үзжээ.

Туршилтад оролцсон хүмүүсийн зарим нь 30 жилийн турш сонсголгүй байсан хэрнээ уг эмчилгээний дараа хөл хөдөлгөөн ихтэй ресторанд ч хүний яриаг тод сонсох болсон гэнэ.

Эмчилгээг ганцхан тун тарилгаар хийх бөгөөд 200 гаруй хүнийг хамруулсан эмнэл зүйн дөрвөн туршилтаас гуравт нь ийнхүү өндөр үр дүн үзүүлжээ.

Эх сурвалж: Iflscience.com