Рэппер Snoop Dogg саяхан болсон “American song contest”-д оролцох үеэрээ Өмнөд Солонгосын BTS хамтлагтай хамтран уран бүтээл гаргах гэж буйгаа мэдээлжээ. Тэрбээр өнгөрөгч нэгдүгээр сард “Mogul Talk” подкастын ярилцлагын үеэр BTS-ээс хамтран ажиллах санал хүлээн авсан талаараа дурдсан юм.

Snoop Dogg хамтарсан уран бүтээл хийх тухайгаа “Би сайн хөгжим хийдэг. Тэд ч бас сайн. Үүний дараа бидний ертөнц нэг болно” хэмээжээ. Мөн тэрбээр BTS-ыг дэлхийн хэмжээний хамтлаг гэдгийг өмнө нь мэддэггүй байсан ч k-поп урлагт эртнээс хувь нэмрээ оруулж байснаа онцолжээ.

Ташрамд дурдахад, BTS хамтлагийнхан Лас Вегаст тоглолтоо хийхээр АНУ-ыг зорьжээ. Түүнчлэн тэд удахгүй болох Гремми наадамд оролцох юм.