Залуусын өргөн хэрэглэдэг аппликейшн “Snapchat” гар утасны камераар дамжуулан дохионы хэл таньдаг системээ танилцууллаа. Энэ нь одоогийн байдлаар зөвхөн Америкийн дохионы хэлийг таньж байгаа аж. Ингэснээр сонсголын бэрхшээлтэй хүмүүст нийгмийн харилцаанд илүү идэвхтэй оролцох боломж нээж өгч буй билээ. Уг төсөл нь хүний эрхийн идэвхтнүүдээс ихээхэн сайшаал хүртээд байна.

“Snapchat” нь ижил төрлийн аппликейшнүүд дундаа шинийг санаачилдгаараа алдартай. Тэдний анх санаачилсан “Story”, “Filter” зэрэг нэмэлт цэснээс санаа аван бусад сошиал медиа хэрэгсэл өөрсдийн ижил төрлийн нэмэлтүүдийг хөгжүүлж байв.