Европын хөлбөмбөгийн холбооны аваргуудын лигийн хагас шигшээгийн сүүлийн тоглолт тавдугаар сарын 4-5-нд шилжих шөнө боллоо. Эл тоглолт Испанийн “Реал Мадрид”, Английн “Манчестер сити” багийн хооронд болсон юм.

Өмнөх тоглолтод Английн баг 4:3-аар ялж, тоглолтыг давуу байдалтай эхлүүлжээ. Өнгөрсөн шөнийн тоглолтод ч “Сити” эхний гоолыг оруулан улмаар нийлбэр дүн 5:3-ын харьцаатай болсон билээ. Гэтэл тоглолтын 90 дэх минутад “Реал Мадрид”-ын бразил довтлогч Родриго хоёр ч гоол оруулан тоглолтыг тэнцүүлжээ. Улмаар нэмэлт цагт “Эзэн хааны баг”-ийн довтлогч Карим Бэнзэмагийн оруулсан гоолын ачаар “Реал Мадрид” аваргуудын лигийн шигшээд шалгарав.

Тэд тавдугаар сарын 28-нд Францын Сен-Дени хотод байрлах “Stade de France” цэнгэлдэхэд Английн “Ливерпүүл” клубийн эсрэг ийнхүү тоглох боллоо.