ОХУ-ын Ерөнхийлөгч В.В.Путиний төрөл садан болон түүний охидод АНУ хориг тавьжээ. Түүнчлэн энэхүү жагсаалтад ОХУ-ын Гадаад хэргийн сайд Сергей Лавров болон том банкнуудын эздийн нэр ч багтсан байна.

Эдгээр хоригийг Оросын цэргүүд Бучад болсон халдлагын үеэр энгийн ард иргэдийн аминд хүрсэн учир тавьсан гэж АНУ-ын Ерөнхийлөгч Жо Байден мэдэгджээ.

Путины охид болох Катерина Тихонова болон Мариа Воронцова нарын эд хөрөнгөд нь ийн хориг тавиад буй. АНУ-ын мэдээлж байгаагаар Путин өөрийн хөрөнгөө хамаатан садан болон ойр дотнын хүмүүсийн нэрээр хадгалсан байж магадгүй хэмээн хардаж буй гэжээ. Эдгээр хөрөнгө нь АНУ болон бусад улс оронд ч байж магадгүй гэж тооцоолсон аж.

Харин Британийн хувьд ОХУ-ын найман нэр бүхий олигархад хориг тавьжээ.