Цаг, уур орчны шинжилгээний газрын мэдээгээр өнөөдөр, маргааш нутгийн төв хэсгээр нойтон цас орж, цасан шуургатай байх нь. Мөн ихэнх нутгаар үүлшиж, шөнөдөө баруун болон говийн аймгуудын зүүн хэсэг, төвийн зарим аймагт хур тунадас орно. Харин өдөртөө төвийн аймгуудын ихэнх нутаг болон говийн аймгуудын зүүн, зүүн аймгуудын баруун хэсгээр нойтон цас орж, шуургатай байх аж.

Зам, даваанд халтиргаа гулгаа үүсэж болзошгүй тул иргэд онцын шаардлагагүй бол хол замд гарахгүй байх, гарсан тохиолдолд тээврийн хэрэгслийн бүрэн бүтэн байдлыг хангаж, шатахууны нөөцтэй, дулаан хувцаслаж явахыг Онцгой байдлын ерөнхий газраас анхааруулжээ.