Улсын хэмжээнд он гарснаас хойш нийслэл болон 13 аймгийн 34 сумд нийт 49 удаагийн ой, хээрийн түймэр гарчээ. Энэ нь өнгөрсөн оны мөн үетэй харьцуулахад 31.4 хувиар өссөн үзүүлэлт аж.

Урьдчилсан байдлаар түймрийн улмаас ойн 101, хээрийн 889.892 га талбай өртжээ. Ингэснээр байгаль экологид 357.2, нийт 368.3 сая төгрөгийн хохирол учирсан гэнэ.

Өнөөдрийн байдлаар Булган аймгийн Тэшиг сумын Хужирт багт ой, хээрийн түймэр гарч, онцгой байдлын алба хаагчид цурманд оруулсан гэнэ.

Иймд иргэд асаасан гал, тамхины цог зэргийг бүрэн унтрааж, айл өрхүүд хашааныхаа өнжмөл өвсийг шатаахгүй байх, гал унтраах багаж хэрэгсэл бэлтгэж, хариуцлагатай, сонор сэрэмжтэй байхыг Онцгой байдлын ерөнхий газраас анхааруулсаар байна.