Туркийн Ван жүзүнжү йыл их сургуулийн судлаачдын баг тус улсын Ван нуурын гүнээс эртний цайз илрүүлжээ. Уг цайз нь 3000 жилийн настай. Зүсмэл чулуугаар хийсэн эл цайзыг Урартугийн соёл иргэншлийн олдвор гэж үзэж байна. Урарту нь төмөр зэвсгийн үед Ван голын ойролцоох нутаг дэвсгэрт оршиж байсан хаант улс аж. МЭӨ IX зууны дундуур хүчирхэгжин, МЭӨ VI зууны эхээр Ираны медечүүдэд эзлэгдсэн байна. 

Төслийн удирдагч Тахсин Жейлан анх Ван нуурын мангасыг хайж, эл судалгааг эхлүүлсэн байна. Тэрбээр “Олонх археологич, музейн ажилтнууд биднийг нуураас юу ч олохгүй гэцгээж байсан. Хэдийгээр хайж байсан зүйлээ олоогүй ч эртний үеийн түүхэн олдворыг илрүүлсэн нь судалгааны багийнхны хөлс, хүч талаар болоогүйг харуулж байна” хэмээжээ.

Эх сурвалж: Iflscience.com