Ингэж хэн нэгний хэлэхийг өмнө нь сонсож байв уу. Бас яагаад хэмээн асууж байсан л байх. Бидний  өвөг дээдсээс уламжлагдан ирсэн цээр үгнүүд ёс ч юм шиг, сүсэг ч гэмээр санагдах нь бий. Гэвч энэ нь нарийн учиг, шалтгаантай аж. Тухайлбал, “Ном уншиж байхдаа суниавал сурсан эрдэм сугаар гарна” хэмээдэг. Гэтэл тэр бүр дасгал хөдөлгөөн хийдэггүй бол суниах нь нуруундаа юм хавчуулах, мэдрэлийн судал гэмтэх аюултай байна. Түүнчлэн суган дахь хөлсний булчирхайг  сэрүүн салхиар цохиулбал бие өвчлөх, хий хөөрөх эрсдэлтэй. Наандаж энэ нь орчин тойрондоо эвгүй үнэр тархааж, бүдүүлэг загнахаас нь ийнхүү сэргийлсэн байж.

Мөн эрдэм ном сурч байгаа хүүхэд оюун бодол өөр зүйлд сатаарах, анхаарал сулрах, залхуу хүрэх үед өөрийн эрхгүй суниах, эвшээх зэрэг үйлдэл гаргадгийг манай өвгөд анзаарч, идэвхжүүлэх зорилгоор ”Сурсан эрдэм чинь сугаар гарна шүү” хэмээн сануулдаг байжээ.