НӨАТ-ын буцаан олголтоор бусад татвар төлөх боломж бүрдүүлжээ. Үүний тулд иргэд дөрөвдүгээр сарын 18-22-нд "буух" буцаан олголтын мөнгөөрөө татвар төлөх хүсэлтээ илгээх ёстой аж.

“Ebarimt” аппликейшнээс “Үйлчилгээ-Татварын ерөнхий газар-Хөрөнгийн албан татвар төлөх” команд руу нэвтрэн орж, хүсэлтээ явуулна.

Дараах төрлийн татваруудыг НӨАТ-ын буцаан олголтоор төлж болно.

Автотээврийн хэрэгслийн албан татвар
Галт зэвсгийн албан татвар
Үл хөдлөх эд хөрөнгийн албан татвар
Газрын төлбөр (газар эзэмшигч)
Газрын үл хөдлөх эд хөрөнгийн албан татвар (газар өмчлөгч)
Харин хүсэлт илгээгээгүй иргэдийн мөнгө дөрөвдүгээр сард журам ёсоор данс руу нь шилжинэ.