Онцгой байдлын ерөнхий газраас өнөөдөр “Газар хөдлөлтийн гамшгийн үеийн харилцаа холбооны бэлэн байдал” сургалтыг зохион байгуулав. Энэ үеэр нийслэл хот орчимд бүртгэлтэй зургаан том хагарал 6.6-7.6 магнитудын хүчтэй хөдлөхөд л хамгийн багадаа барилга байгууламжийн 47.8 хувь нурж, 40 000-60 000 хүн өртөх эрсдэлтэй гэсэн судалгаа гарсныг дурдсан юм.

Монгол орон нь Төв Азийн газар хөдлөлтийн идэвхтэй бүсэд оршдог. Өнгөрсөн онд гэхэд л 159 396 удаа газар хөдөлснөөс 3.5 болон түүнээс дээш магнитудын хүчтэй чичирхийлэлтэй нь 430 бүртгэгджээ. Тэгвэл 6 магнитудын хүчээр газар хоёр шилгээсэн байна. Нийслэлд 1123 удаагийн газар хөдлөлт болсон аж.