Засгийн газрын өнгөрсөн баасан гаргийн хуралдаанаар төсвийн болон газрын тос, уул уурхайн чиглэлээр үйл ажиллагаа эрхэлдэг аж ахуйн нэгжүүдээс бусад байгууллагын ажилтны төлдөг НДШ-ийн 50 хувийг нь буцаан олгох шийдвэр гаргасан. Тодруулбал, ажил олгогчийн төлдөг НДШ, эрүүл мэндийн даатгал болон ХХОАТ бус, зөвхөн ажилтны төлдөг 9.5 хувийн татвараас 50 хувийг нь л буцаан олгох юм. Үндсэндээ хөдөлмөр эрхлэгч иргэн улсад ажил олгогчтойгоо хамтраад 24 хувийн татвар төлдөг. Харин ажилтай иргэд үүнийхээ тэн хагасыг буюу нийт НДШ-ийн 50 хувийг он дуустал буцаан авна хэмээн ташаа ойлгоод буй. Ажилтны төлдөг татварын 50 хувь гэснийг анхаарна уу. Тус шийдвэрийг УИХ-аар баталбал ирэх сараас эхлэн, он дуустал хэрэгжүүлэх аж.

Тэгвэл сарын нэг сая төгрөгийн цалинтай хүн хэдэн төгрөгийн буцаан олголт авахыг одоо тооцож үзье.

• Ажил олгогч НДШ - 12.5 хувь - 125 000
• Хувь хүн НДШ - 9.5 хувь - 95 000
• Хувь хүн ЭМД- 2 хувь - 20 000
• ХХОАТ - 10 хувь - 88 500
• ХХОАТ-ын хөнгөлөлт - 18 000
• Гарт олгох цалин - 814 500 төгрөг
• Буцаан олголт - 9.5-ын 50 хувь буюу 4.75 хувь - 47 000 төгрөг (нэг сард)