Монголын дуу хөгжмийн салбарт цоо шинэ өнгө төрх нэмсэн монгол кантри урсгалаар уран бүтээлээ туурвидаг залуу дуучин Баатар “Сэтгэл нэрнэ” нэртэй анхны цомгоо гаргажээ. Монгол ардын болон уртын дууны хэв маягийг АНУ-аас үүсэлтэй кантри хөгжимтэй хослуулсан эл цомогт “Хайр оргилно”, “Сархад”, “Нандин төрх”, “Зураглал”, “Харуулын шуудан” тэргүүтэй 10 дуу багтжээ. Цомгийн хөгжмийн продюсероор “A Sound” хамтлагийн гитарчин Д.Мөнхболд ажилласан бол дуучин Quiza дуунуудынх нь үгийг бичсэн байна. Өвөрмөц өнгө төрх, содон дуу хөгжмөөрөө сонсогчдыг татаж буй тэрбээр цомгоо shoppy.mn онлайн дэлгүүрээр худалдаж буй. Мөн "itunes", "spotify" зэрэг цахим платформоос сонсох боломжтой аж.