Дэлхийн байгаль хамгаалах сангийнхан монгол бөхөнгийн өдөрт (04.23) зориулж, “Зөрүүдхэн” хүүхэлдэйн кино бүтээжээ. Тус киноны дүрүүдийг хонины ноосоор урласан байна. Тэдгээрийг Ховд аймгийн бизнес эрхлэгч, эко тоглоом үйлдвэрлэгч Н.Батмөнх урласан гэнэ.

Дэлхийд монгол болон соргог гэсэн хоёр төрлийн бөхөн байдаг аж. Монгол бөхөн нь зөвхөн манай оронд амьдардаг, ховордсон амьтан юм. Өнгөрсөн оны тооллогоор манайд 10 мянга орчим бөхөн байгаа гэсэн судалгаа гарчээ.

Байгаль, ан амьтнаа хайрлаж, тэдэнд энэрэнгүй өгөөмөр сэтгэлээр хандахыг сургамжилсан дээрх “Зөрүүдхэн” хүүхэлдэйн киног хүүхдүүддээ сонирхуулаарай.