Элсэлтийн ерөнхий шалгалт ойртож буйтай холбогдуулан төгсөх ангийнхан сонгосон чиглэлийн хичээлдээ бэлдээд тун завгүй. Тэгвэл  Сонгинохайрхан дүүргийн Баянхошуунд байрлах нийслэлийн ерөнхий боловсролын лаборатори 151 дүгээр сургуулийн XII ангийн сурагчид Монгол улсын их сургуульд “зочиллоо”. Тэд Шинжлэх ухааны сургуулийн Байгалийн ухааны салбар сургуулиар түр саатаж, ирээдүйн мэргэжилтэйгээ танилцав. Тодруулбал, тус сургуулийн ахлах ангийн 19 сурагч  МУИС-ийн хими, физик, нано хиймэл дагуулын лабораториор орж, органик чанарын урвал, электролиз, аналитик хими (ионыг таних)-ийн  туршилтууд хэрхэн хийдгийг үзэж сонирхов.

Гадаадын орнуудад ийм төрлийн аялалуудыг дунд ангид байхаас нь эхлэн тогтмол зохион байгуулж, мэргэжлийн чиг баримжааг эрт олгодог аж.