Мексикийн шигшээ багийн бүх цаг үеийн шилдэг довтлогчдын нэг Хавьер Эрнандэз буюу Чичарито и-спортод хөл тавилаа. 34 настай залуу өдгөө АНУ-ын “La galaxy” багийн төлөө хүчин зүтгэдэг бөгөөд өмнө нь “Манчестер юнайтед”, “Реал мадрид”, “Севилла” зэрэг Европын томоохон клубт тоглож байсан.

“Complexity” нь уламжлалт спортын хэд хэдэн одтой гэрээ хийгээд байгаа. Тэд өмнө нь америк хөлбөмбөгийн тамирчин Леонард Фоурниттэ болон мэргэжлийн бейсболчин Эдвин Риос нарыг эгнээндээ нэгтгэсэн билээ.

Чичарито хэлэхдээ “Тоглоом тоглох бол үргэлж миний дуртай зүйл байсан. “Complexity”-д нэгдсэнээр талбайн гадна фэнүүдтэйгээ уулзах сайхан боломжийг надад олголоо” хэмээжээ.

Ташрамд сонирхуулахад, алдарт Серхио Агуэро мөн stream хийдэг бөгөөд Twitch-д дөрвөн сая гаруй дагагчтай билээ.