АНУ-ын сагсан бөмбөгийн үндэсний лигийн “Лос Анжелес Лэйкерс” баг 2021-2022 оны улирлыг маш тааруу амжилттайгаар дуусгасан учир ахлах дасгалжуулагч Фрэнк Вогэлийг ажлаас нь чөлөөлжээ. Тэрбээр гурван жил тус багийг удирдаж, эхний жилдээ шууд л аваргын бөгж зүүсэн. Энэ жил бүрэлдэхүүн оддын нэрсээр дүүрсэн ч "харвасан од" шиг л тоглолт үзүүлж, 33-49-ийн амжилттай улирлаа дуусгалаа.

Энэхүү шийдвэр гарсны дараа зарим тоглогч түүнтэй харилцааны асуудалтай байсныгаа ч хэлээд амжсан юм. Харин Лэброн энэ шийдвэрт ямар ч хамаагүй, оролцоогүй гэж хэлжээ.

Тэд ирэх улиралд хэний удирдлага дор, ямар амжилт гаргах бол...