Виртуал хөрөнгийн үйлчилгээ үзүүлэгчийн тухай хуулийг хоёрдугаар сарын 25-наас мөрдөж эхлэх болсон. Гэвч дүрэм, журам нь хараахан тодорхой болоогүй л байна. Тиймээс Санхүүгийн зохицуулах хороо (СЗХ)-ноос уг хуулийг дагаж, мөрдөх журмын төслүүдэд нээлттэй санал авч эхэлжээ. СЗХ-ноос хуулийн дагуу крипто биржүүдийг  бүртгэж, биржүүд нь ямар койн бүртгэхээ шийдэх юм байна.

     Харин тус хуулийг хэрэгжүүлэхээс өмнө үйл ажиллагаа эхлүүлсэн биржүүдийн хувьд есдүгээр сарын 25 гэхэд бүртгүүлсэн байх шаардлагатай. Журмын төслийн дагуу тухайн бирж үйл ажиллагааны  чиглэлээсээ хамаарч багадаа 500 саяас нэг тэрбумын хувь нийлүүлсэн хөрөнгө, хүний нөөц, программ хангамжтай байх  гэсэн шаардлагыг хангах  ёстой.

    Мөн стэйкинг үйл ажиллагаа эрхлэх биржийн хувьд өөрийн хөрөнгөөс 30 дахин ихийг удирдахгүй байх гэх мэт заалтууд орсон байна. Аравдугаар сараас крипто салбар цэгцэрч эхлэх тул койн гаргах гэж байгаа хувь хүн, аж ахуйн нэгжүүдийг  жаахан харзнахыг судлаачид зөвлөв.