Соёлын яамнаас Монголын бурхан шашинтны төв Гандантэгчэнлин хийдэд соёлын өвийн үзлэг, тооллого хийжээ. Тооллогоор 46 070 эд, зүйл бүртгэсний ихэнх нь шүтээн зураг, баримал, шуумал, цутгамал болон хөөмөл бурхан байсан аж.  Тооллогын явцад бохирдсон бурхан шүтээн, эд, зүйлсийг цэвэрлэж, хийдийн лам, ажилтнуудыг соёлын өвтэй хэрхэн харьцах, хамгаалах талаар сургалтад хамруулжээ. Тоолсон зүйлсийг гэрэл зураг, дүрс бичлэгээр баталгаажуулан, Соёлын өвийн үндэсний төвийн нэгдсэн бүртгэл, мэдээллийн санд хадгалсан байна.  

Гандантэгчэнлин хийдийн бурхан шүтээний тооллогыг өмнө нь 1987 онд Музейн удирдах газар, 2013-2014 онд Соёл, спорт, аялал жуулчлалын яамныхан хийсэн юм.