“Z film”, “Бид хэд нэгдэл”-ийн хамтын бүтээл “Ганцхан шалтгаан” уран сайхны кино энэ сарын 20-ноос кинотеатруудын дэлгэцнээ гарах юм байна. Тус киноны зохиолыг цусны хорт хавдраар өвчилж, эдгэрсэн Г.Батзаяа бичиж, Б.Болдбаатартай хамтран найруулжээ. Тэрбээр өөр шиг нь зовлон туулж буй хүмүүст урам зориг өгөхийн зэрэгцээ амьдралын үнэ цэн, хайрлахын утга учир, энгийн хүмүүсийн түүхийг эл бүтээлдээ өгүүлсэн аж. Киноны гол дүрд Б.Хонгорцог, У.Нартай, Б.Золжаргал, Ц.Тэгшбаяр нарын залуу жүжигчин тогложээ. Киноны нээлтийн арга хэмжээ энэ сарын 20-нд “Corporate hotel and convention centre”-т болж, уран бүтээлийн багийнхан үзэгчидтэй уулзах юм байна.