Нийтийн эдэлбэр газарт зөвшөөрөлгүй барьсан барилга, байгууламж, гарааш зэргийг буулгаж, иргэдийн тав тухыг хангасан орчин бүрдүүлэх ажлыг Нийслэлийн Засаг даргын Тамгын газраас хэрэгжүүлж буй. Өнгөрсөн жилээс эхлүүлсэн уг ажил нь иргэдийн таашаалд нэлээд нийцсэн билээ. Эл ажлын хүрээнд өнгөрсөн жил 1000 гаруй гарааш буулган, нийт 37 мянган мкв газрыг чөлөөлж, оронд нь явган хүний зам, ногоон байгууламж, тоглоомын талбай барьжээ.

Тэгвэл энэ онд есөн дүүргийн 188 байршилд буй 4860 гараашийг буулгах гэнэ. Тус ажлыг өнөөдрөөс эхлүүлж, Сонгинохайрхан дүүргийн I хорооллын хойдох зам дагуу болон Баянзүрх дүүрэг дэх Хавдар судлалын үндэсний төвийн ард байрлах гараашуудыг буулгах юм байна.