- 1857 оны энэ өдөр АНУ-ын Нью-Йорк хотын Уоллстритэд байрлах санхүүгийн байранд Элиша Отисийн зохион бүтээсэн цахилгаан шатыг суурилуулжээ. Энэ нь цахилгаан шатны анхны хэрэглээ юм.

- 1888 оны энэ өдөр Английн хөлбөмбөгийн лигийн анхны тоглолтыг зохион байгуулав.

- 1910 оны энэ өдөр Японы кино урлагийн загалмайлсан эцэг, нэрт найруулагч Акира Күросава мэндэлжээ.

- 1931 оны энэ өдөр Энэтхэгийн тусгаар тогтнолын хөдөлгөөнийг зохион байгуулсан хэргээр Бхагат Сингх, Шиварам Ражгүрү, Сүхдев Тапар нарыг дүүжлэн хороов.

- 1939 оны энэ өдөр Унгар улс Словакын Нисэх хүчний төв байрыг бөмбөгдсөний улмаас 13 хүн амиа алдав. Ингэснээр хоёр улс найман хоногийн турш байлдсан байна.

- 1965 оны энэ өдөр АНУ-ын Сансар судлалын агентлаг "Жиминай 3" хөлгийг огторгуйн уудамд хөөргөв.

- 1972 оны энэ өдөр "Баленсиага" брэндийг үндэслэгч Кристобал Баленсиага таалал төгсжээ.

- 1996 оны энэ өдөр Тайвань улсын Ерөнхийлөгчийн анхдугаар ардчилсан сонгуулиар Лий Тенг-Хуй сонгогдсон байна.

- 2009 оны энэ өдөр “ФедЕкс” экспрессийн 80 дугаар нислэг Хятадын Гуанжоу хотоос Токиогийн "Нарита" олон улсын нисэх буудалд газардахдаа осолджээ. Улмаар ахмад болон туслах нисгэгчид нь амиа алдсан аж.