“Е-Mongolia” системийн албан ёсны фейсбүүк хуудасны админ эрх рүү гуравдугаар сарын 27-нд халдсан билээ. Гэхдээ энэ нь тус платформын суурь болон үндсэн системүүд рүү чиглэсэн халдлага биш аж. Ийн халдлага гарсан даруйд Цахим хөгжил, харилцаа холбооны яамнаас фэйсбүүк META технологийн компанид мэдэгдэж шуурхай ажиллан, хуудасныхаа админ эрхийг сэргээж чаджээ. Эл халдлага нь хаанаас, ямар зорилгоор гарсныг тогтоохоор тус компанийнхан ажиллаж буй гэлээ.

Үүнтэй холбоотойгоор “e-Mongolia” төрийн үйлчилгээний цахим системд ямар нэгэн доголдол гараагүй, хэвийн ажиллуулж буйг албаны эх сурвалж мэдээлсэн юм.

“Е-Mongolia” систем нь иргэнд 20 гаруй салбарын төрийн 1074 үйлчилгээг цахим орчинд гар утасны аппликейшн болон www.e-mongolia.mn вэб сайтаар дамжуулан түргэн шуурхай хүргэдэг нэгдсэн платформ.