Испанийн Андалусия нутагт үүссэн, найз нөхөд, ойр дотнын хүмүүстэйгээ амтат зууш идэн, цагийг зугаатай өнгөрөөх эртний хоолны соёлыг тапас гэдэг. Энэ нь испани хэлний “tapas” буюу таг хэмээх үгнээс гаралтай. Учир нь дундад зууны үед шар айргийг ялаа, шумуулаас хамгаалах зорилгоор торхыг нь талхаар таглаж байснаас үүдэлтэй гэнэ. Тагласан талхаа шар айргийн даруулга болгон хамтад нь идэж заншсанаар энэхүү уламжлал үүссэн байна.

Өдгөө хүртэл энэхүү хоолны соёл нь найз нөхөд, ажлын хамтрагч, гэр бүлтэйгээ халуун дотно яриа өрнүүлж, амьд харилцаа үүсгэхэд ач холбогдолтой хэвээр байна. Тапасын онцлог нь хоолоо гэртээ хийдэггүй. Ресторанд хөнгөн зууш, дарс, эсвэл шар айраг захиалдаг. Зуушийг хувааж идэх нь дотно уур амьсгал бүрдүүлдэг тул энэхүү уламжлалын чухал хэсэг нь юм. Хүний тоогоор ресторан орох бөгөөд тус бүр тооцоог ээлжлэн “даадаг” байна.

Бүс нутгаасаа хамааран өөр өөрөөр энэхүү уламжлалыг хадгалж ирсэн боловч хоолны нэр, төрөл нь төстэй байна. Үүнд:

• Омлет
• Паста
• Хиам, бяслаг
• Далайн гаралтай хоол
• Дун
• Хачиртай талх
• Чанасан өндөг
• Салат
• Шарсан загас зэрэг нь нийтлэг сонголт юм.

Тапасд тусгайлан зориулсан ресторанууд байх бөгөөд энэ нь тус улсыг зорьж буй жуулчдын заавал очиж үзэх зүйлсийн жагсаалтад багтддаг гэнэ.

Эх сурвалж: Lizarran.es