Оросын зэвсэгт хүчин Украин руу дайрах үеэр дэлхийн хамгийн том ачааны нисэх онгоц болох “Антоновын Ан-225” Киев хотын Хостомелын нисэх буудалд сүйрчээ.

Энэхүү онгоц нь 84 метр урт, 175 тонн жинтэй. Ачаа ачсан үед зөвшөөрөгдөх нисэх үеийн нийт жин нь 640 тонн бөгөөд дэлхийн хамгийн том онгоц юм.

“Антоновын Ан-225” нь Украины үндэсний бахархал байсны дээр нисэх онгоц сонирхогчдын дунд маш алдартай байжээ. Түүний буух, хөөрөх цагаар Киевийн онгоцны буудал эл онгоцыг харах гэсэн сонирхогчдоор дүүрдэг байсан аж.

ОХУ-ын агаарын нисэх хүчин хоёрдугаар сарын 27-нд Хостомелийн нисэх онгоцны буудал руу пуужингаар дайрсны дараа уг аварга онгоц сүйрсэн байна. Гэхдээ сүйрлийн зургуудыг өчигдөр л олон нийтэд цацжээ.

“Антоновын Ан-225” онгоцыг 1988 онд анх нисгэж байжээ. Онгоцны сэгийг хэрхэхийг хараахан шийдээгүй байгаа аж.

Эх сурвалж:cnbc