Дуурь бүжгийн эрдмийн театрын уран бүтээлчид Ж.Пуччинигийн “Чио чио сан” дуурийг энэ сарын 23, 24-нд тоглох аж. Хоёр бүлэг, гурван үзэгдэлтэй тус дуурийг Урлагийн гавьяат зүтгэлтэн Н.Туулайхүү удирдаж, Ардын жүжигчин Х.Уртнасан, Д.Лхагвасүрэн нар найруулсан байна. Тоглолтын эхний өдөр Чио чио санд Гавьяат жүжигчин С.Мөнгөнцэцэг дуулах бол маргааш нь Б.Энхнаран гоцлох аж. Мөн Ж.Энхмаа, М.Даваадорж, Б.Уранзолбоо, Б.Гомбо-Очир, Т.Чулуунчимэг тэргүүтэй уран бүтээлч оролцоно.

Жон Лютер Лонгийн “Эрвээхэй авхай” туужаас сэдэвлэсэн уг бүтээлийг манайд 1967 онд анх үзэгчдийн хүртээл болгожээ. Харин дэлхий дахинд 1904 онд Италийн Ла Скала театрт анх толилуулсан түүхтэй.