Боловсрол, шинжлэх ухааны болон Британийн Элчин сайдын яамныхан Чевнингийн тэтгэлэгт хөтөлбөр хэрэгжүүлэх санамж бичигт гарын үсэг зурлаа. Тус хөтөлбөрийг олон улсад 1983 оноос хэрэгжүүлж, манайд  1993 оноос нутагшуулсан байдаг. Харин 2013 оноос Британи, манай хоёр улсын хамтарсан санхүүжилтээр тэтгэлгийн тоог нэмэгдүүлсээр иржээ. Одоогоор 180 гаруй монгол залуус тус хөтөлбөрт хамрагдсан байна. 

Засгийн газраас дэлхийн өндөр хөгжилтэй улс онуудад оюутан, залуусыг бакалавр, магистр, докторын түвшинд суралцуулах, тэдний тоог нэмэгдүүлэх зорилт тавьсан. Энэхүү зорилтыг хэрэгжүүлэхэд Чевнингийн тэтгэлэгт хөтөлбөр хувь нэмрээ оруулна гэдэгт итгэлтэй байгаагаа салбарын сайд онцолсон юм.

Чевнингийн тэтгэлэгт дэлхийн 140 гаруй орны 50 мянган иргэн хамрагдаж, төгсжээ. Тэтгэлэгтэй холбоотой дэлгэрэнгүй мэдээллийг Боловсрол, шинжлэх ухааны болон Британийн Монгол дахь Элчин сайдын яамныхнаас тодруулна уу.