Цэцэрлэгт сугалаагаар элсэхийг эсэргүүцсэн эцэг, эхийн төлөөлөл  Ерөнхий сайдад  хүргүүлсэн  шаардлагынхаа хариуг авахаар өнөөдөр Төрийн ордны гадна цуглаад байна. Тэд хүргүүлсэн шаардлагынхаа хариуг автал тэнд зогсох аж. Ерөнхий сайдад хүргүүлсэн албан шаардлагад:

1. Сургуулийн өмнөх боловсролд цэцэрлэгийн насны бүх хүүхдийг хамруулах (Гэртээ үлдэж буй хүүхдүүд ахуйн осолд ихээр өртөж байна)
2. Хүүхдээ хөгжүүлж, сургахад сугалаа, квотоор аливаа асуудлыг шийддэгээ зогсоох (Үндсэн хуулиар олгосон сурах эрхийг хязгаарлахгүй байх)
3. Хүүхдийг харьяаллаар нь алагчилж үзэхийг болих (Орон нутгаас шилжин ирэгсдийн хүүхдүүд харьяалалтай ч цэцэрлэгт авдаггүй)

4. Төрийн өмчит байшин, барилгыг цэцэрлэг болгон ашиглах
5. “Цалинтай ээж” хөтөлбөрийн 50 мянган төгрөгийн тэтгэмжийг нэмэх гэж тусгажээ.

 Боловсролын сайд Л.Энх-Амгалан өмнөх шаардлага хүргүүлэх үеэр нь эцэг, эхчүүдийн төлөөлөлтэй уулзан уг асуудлаар хэлэлцүүлэг зохион байгуулж, гарц шийдэл эрэлхийлнэ гэж мэдэгдсэн байна. Тиймээс тэд энэ асуудлыг шийдтэл шаардлага тавьсаар байна гэлээ.