Брүүклин дүүрэгт халдлага үйлдсэн хэрэгт холбогдуулан 62 настай Фрэнк Р.Жеймсийг баривчилжээ. Гэрчийн мэдэгдсэнээр, тэрбээр баривчлах үйл явцад эсэргүүцэл үзүүлээгүй гэнэ.

Фрэнкт эрүүгийн хэрэг үүсгэн, шалгаж эхэлжээ. Түүний шүүх хурал өнөөдөр болох бөгөөд гэм буруутай нь тогтоогдвол бүх насаар нь хорих ял оноох аж.

Хуулийн байгууллагын мэдээлснээр, Жэймс нэрээ нууцлан, хэргийн талаар цагдаад мэдэгдсэн байх магадлалтай аж. Мөрдөн байцаагчид халдлага үйлдсэн тодорхой шалтгааныг хараахан тогтоогоогүй байна. Хэргийн газраас түлхүүр нь олдсон микро автобусыг Фрэнк Филадельфи хотоос дөрөвдүгээр сарын 6-нд захиалж, урьдчилгаа төлбөрийг нь төлснийг нотолжээ.

Тэрбээр өнгөрсөн хугацаанд олон удаа баривчлагдаж байсан бөгөөд халдлагад ашигласан буугаа 2011 онд худалдан авсан байжээ.

Эх сурвалж: Nytimes.com