БНСУ-д ажиллах манай иргэдийн тоо олширч буй. Тэгвэл тус улсад хөдөлмөрийн гэрээгээр ажиллах хүсэлтэй иргэдийн шалгалтын бүртгэлийг энэ сарын 25-нд эхлүүлнэ. Шалгалт өгөх иргэд solongos.hudulmur-halamj.gov.mn цахим системээр бүртгүүлэх аж.

Бүртгэлийн программ тухайн өдрийн 09.00 цагт албан ёсоор нээгдэнэ.

Харин иргэдэд бүртгэлийн программтай танилцах, туршилт хийх боломжийг олгох үүднээс өнөөдрөөс эхлэн дөрөвдүгээр сарын 23 хүртэл түр хугацаагаар программыг нээсэн болохыг Хөдөлмөр, халамж, үйлчилгээний ерөнхий газраас мэдэгдлээ.

Шалгалтад бүртгүүлэхдээ дээрх цахим хаягаар нэвтрэн - бүртгүүлэх товчлуур дарж, регистриийн дугаараа крилл үсгээр оруулна. Үүний дараа бүртгүүлэгчид тавих шаардлага, анхааруулах хуудастай танилцаж, зөвшөөрөх хэсэгт анкетаа үүсгэж болно.

Бүртгэлийн хураамж нь 24 ам.доллар буюу 73 000 төгрөг юм байна.