Нийслэлийн "Улаанбаатар" театрын уран бүтээлчид дэлхийн бүжгийн өдрийг тохиолдуулан “Ариун хаврын тахилга” этно балетыг энэ сарын 29-нд толилуулахаар бэлтгэж буй. Алдарт хөгжмийн зохиолч И.Ф.Стравинскийн эл бүтээлийг үндэсний хөгжимд хөрвүүлэн найруулж, монгол бүжгийн уламжлалыг модерн бүжигтэй хослуулан шинээр дэглэн, анх 2015 онд олны хүртээл болгосон юм. Бүжгийг Гавьяат жүжигчин Д.Энхгэрэл дэглэж, хөгжмийн зохиолч, найруулагчаар Х.Алтангэрэл ажиллажээ. Мөн Буриадын Төрийн шагналт Олег Юмов найруулж, “Улаанбаатар” театрын “Хангарьд” үндэсний найрал хөгжимчид болон уран бүтээлчид оролцох юм.