Мэдээлэл, харилцаа холбоо асар хурдацтай хөгжиж буй өнөө үед гадаад хэлгүй л бол "хол явахгүй". Тэр дундаа англи хэл. Хэлээ сайжруулъя гэсэн хэн бүхэнд бид дараах мэдээллийг зориулав. Англи хэлийг сонирхолтойгоор, хурдан сурахад тань эдгээр аппликейшн тус болно гэдэгт итгэлтэй байна.

Duolingo

Duolingo нь англи хэлийг хөгжилтэйгээр, тоглоомын аргаар сурахад зориулсан аппликейшн. Даалгавар биелүүлж, дараагийн түвшинд очих буюу level ахидаг системтэй тул та хэл сурах явцдаа уйдна гэж үгүй. Зөвхөн англи хэл ч гэлтгүй 19 өөр хэл сурах боломжтой.

Skels system

Олон төрлийн хичээлийг нэг дор багтааж өгснөөрөө онцлогтой. Зөвхөн сонсох чадварыг сайжруулах 200 гаруй хичээл байдаг гэхээр ямар том датанаас бүрдсэн нь ойлгомжтой. Та өөрийн дуртай сэдвийг сонгосноор түүнийг нь голчлон харуулж, төстэй жишээнүүд гарч ирэх болно. Харин хичээл дууссаны дараагаар таны мэдлэгийг шалгах зорилгоор хөнгөн шалгалт авна шүү.

Elsa speak

Ярианы чадварыг тань хөгжүүлэхэд туслах аппликейшн бол Elsa speak. Хиймэл оюун ухаанд суурилж тест аван, ямар үгийг буруу дуудаж байгааг тодорхойлон, зөвхөн танд зориулсан хөтөлбөр гаргадаг давуу талтай.

Beelingu

Энэ аппликейшн нь таны унших болон сонсох чадварыг зэрэг хөгжүүлнэ. Караокэд дууны үг харж дуулдаг шиг гарч ирсэн хичээлийг дагаж уншсанаар таны сонсох чадвар сайжрах нь дамжиггүй. “Хадмал орчуулгагүй бол сонсдоггүй юм аа” гэдэг хүмүүст хамгийн тохиромжтой.

Hello talk

Хэн нэгэнтэй харилцана гэдэг хэл сурах хамгийн сайн арга. 15 сая гаруй хэрэглэгчтэй уг аппликейшнээр дамжуулан та өөрийн мэддэг хэлээ бусдад заан, нөгөө хүнийхээ мэддэгийг сурах боломжтой.