Монголын урчуудын эвлэлийн дэргэдэх “Залуу уран бүтээлчдийн нэгдэл”-ээс жил бүр зохион байгуулж, дүрслэх урлагийн шилдэг бүтээлийг шалгаруулдаг “Алтан бийр” үзэсгэлэнг нээлээ. Дүрслэх урлагийн төрөл жанр бүрийг тэнцүү хөгжүүлж, залуу уран бүтээлчдийг дэмжих зорилготой тус үзэсгэлэнд 35 хүртэлх насны зураачид бүтээлээ дэлгэжээ. Үзэсгэлэнд 100 гаруй зураач бүтээлээ ирүүлснээс 80 зургийг сонгож, олон нийтэд дэлгэсэн нь энэ аж. Үзэсгэлэнгийн шилдэг бүтээлээр О.Золбоотөгөлдөрийн “Living with trauma”-г сонгосон бол Г.Ононгуагийн “Хонин цагаан үүл”, Г.Бямбацэрэнгийн “Зүүд” бүтээл дэд байрт шалгарчээ. Харин “Art of UB” галерейн нэрэмжит шагналыг В.Анатолигийн “Guardian” бүтээл хүртлээ.

Үзэсгэлэн энэ сарын 19 хүртэл үргэлжлэх тул тус галерейд зочлон, Монголынхоо шилдэг зураачдын бүтээлийг сонирхоорой.

О.Золбоотөгөлдөр “Living with trauma"

Г.Ононгуа “Хонин цагаан үүл"

Г.Бямбацэрэн “Зүүд”

В.Анатоли “Guardian”