Энэ өдөр Ж.Гүррагчаа "Союз-39" хөлгөөр сансарт нисжээ

Өнөөдөр нарны шууд тусгал экваторт тусаж, дэлхийн өнцөг булан бүрт өдөр, шөнө тэнцэж байна.

- 1630 оны энэ өдөр АНУ-ын Массачусетс мужийн захиргаа хөзөр, шоо зэргийг хуулиар хориглов.

- 1832 оны энэ өдөр Германы суут зохиолч Йоханн Вольфганг фон Гёте таалал төгсжээ.

- 1916 оны энэ өдөр Хятадын сүүлчийн эзэн хаан Юань Шикай эрх ямбаасаа татгалзсанаар тус улс бүгд найрамдах засаглалд шилжив.

- 1960 оны энэ өдөр лазерын туяаны оюуны өмчийн гэрчилгээг Артур Леонард Шавлоу, Чарльз Хард Таунес нар авав.

- 1972 оны энэ өдөр АНУ-ын Конгресс Хүний эрхийн тэгш байдлын тухай хуулийг батлан, улс даяар хэрэгжүүлж эхэлжээ.

- 1981 оны энэ өдөр Монгол-Зөвлөлтийн хамтарсан нислэгт "Союз-39" хөлгөөр Жүгдэрдэмидийн Гүррагчаа огторгуйн уудамд нисжээ. Тэрбээр сансарт ниссэн дэлхийн 101 дэх, Азийн хоёр дахь, Монгол Улсын анхны хүн юм.

- 1993 оны энэ өдөр технологийн "Интел" корпорац компьютерийн анхны "Пентиум" процессорыг худалдаанд гаргав. Энэ нь 60 мегагерцийн хурдтай, 64 байтын багтаамжтай байсан аж.

- 1995 оны энэ өдөр Оросын сансрын нисэгч Валерий Поляков сансарт 438 хоногийг өнгөрөөсний эцэст эх дэлхийдээ газардав.

- 2001 оны энэ өдөр “Tom and Jerry”, “The Powerpuff Girls” зэрэг хүүхэлдэйн киног зохион бүтээсэн Уиллиам Ханна таалал төгсжээ.

- 2017 оны энэ өдөр Английн нийслэл Лондонд байрлах Парламентын ордны гадна террорист халдлага болов. Улмаар дөрвөн хүн амиа алдаж, 20 хүн бэртсэн байна.